Për Joseph DioGuardin fjalët më të mira – Nuk humbasin rrënjët shqiptare...

Për Joseph DioGuardin fjalët më të mira – Nuk humbasin rrënjët shqiptare (shkrimi #14)

881
0
SHPËRNDAJE

Shkruan : Brilant Gashi

Për njerëzit , të cilët kontribojnë në masë të madhe për kombin tonë , respektivisht për ata të huaj , që jetën e tyre e shkrijnë vetëm për çështjen kombëtare , ata duhet të kenë patjetër mirënjohjen tonë . Shqiptarët aq sa janë mikpritës të të tjerëve , janë edhe mirënjohës dhe falënderues .

Disa fjalë për Joseph DioGuardin do të ishin shumë mirë sepse çfarë ka bërë ai për popullin shqiptar , nuk mund të përshkruhet fare ! Atëherë nuk është asnjë rastësi që është edhe gjaku i të madhërishmit Gjergj Kastrioti . Këtë shkrim i’a kushtoj atij dhe të gjithë shqiptarëve që nuk e njohin atë .

DioGuardi lindi më 20 shtator të vitit 1940 , është politikan amerikan me origjinë arbëreshe nga Italia . Ai është kongresmen në Kongresin e Shteteve të Bashkuara të Amerikës .

Burra si lloji i këtij njeriu nuk do të lind më asnjë arbëresh tjetër . Kosova , Shqipëria dhe trojet e tjera shqiptare , do të jenë krenar për këtë shqiptar të madh . Ashtu si gjithë Amerika , nuk ka se si të jetë edhe ky burrë shteti një mik i madh i kombit tonë .

Për Joseph DioGuardin , duhet t’i shkruajmë fjalët më të mira sepse ai e meriton fjalët më të respektueshme të çdo shqiptari i cili e ka në mendjen e tij Shqipërinë etnike . Sipas DioGuardit ai vjen nga një familje e ushtarëve të Gjergj Kastriotit të cilët kishin ndihmuar Mbretërinë e Napolit më 1461 .

Joseph DioGuardi është avokati më i mirë i çështjes shqiptare . Në vitin 1989 pasi la kongresin , ai ka bërë të paktën 20 vizita në trojet shqiptare , në Shqipëri Kosovë dhe në Maqedoni .

Si president i Lidhjes Qytetare Shqiptaro-Amerikane , ai dhe kongresmeni Tom Lantosh në maj të viteve të errëta 1990 bënë një vizitë historike në Kosovë dhe në Shqipërinë që akoma s’kishte dalë nga komunizmi .
Ja një fakt i gjallë që njerëzit e mëdhenj si arbëreshi në fjalë , bëjnë edhe gjëra të mëdha .

“Ju shqiptarë në Ballkan , mos kini frikë . Trimi i mirë me shokë shumë në Washington . E plot vëllezër e motra në Amerikë” – thoshin çifti DioGuardi në ndërtesën e Lidhjes së Prizrenit .

Gjatë takimit me presidentin e atëhershëm Ramiz Alia , ky i fundit i dorëzoi Tom Lantoshit një dosje të trashë me dokumente se si shqiptarët si miq të përjetshëm shpëtuan mijëra hebrenjë gjatë Luftës së Dytë Botërore . Tomi bashkë me DioGuardin i dërguan këto dokumente të rëndësishme në Izrael dhe aty u verifikua edhe vërtetësia e tyre .

Shumë shqiptar kanë marrë titullin “Righteous Among the Nations” nga shteti i Izraelit që u jepet atyre që shpëtuan hebrenjtë gjatë Luftës së Dytë Botërore .

Në qershor 1997 , DioGuardi kryesoi një delegacion për monitorimin e zgjedhjeve në mëmën Shqipëri . Me kërkesë të Kongresmenit Dana Rohrabacher në gusht 1998 ai udhëtoi në viset veriore të Shqipërisë për të vlerësuar krizën humanitare si rezultat i luftës në Kosovë .

Për të forcuar edhe më shumë krenarinë e tij si shqiptar dhe si njohës i historisë ai thotë : Masakrat që po shohim sot tek ISIS nuk janë gjëra të reja . Të njëjtat metoda i përdori edhe Perandoria Osmane ndaj popullit shqiptar .

Për fund Joseph DioGuardi dëshiron të realizoj edhe një film për Gjergj Kastriotin :
“Do ti tregojmë Amerikës fytyrën e vërtetë të shqiptarëve . Kemi vetëm një koncept të shkurtër ndërsa një person po merret me analizimin e jetës së Skënderbeut në vitet 1440-1455 , kur edhe Skëndërbeu ishte në pikun e karrierës” tregon DioGuardi , shkruan KultPlus .
DioGuardi thotë se dëshiron që filmi të krijohet nga regjisorët më të mirë të Hollivudit , ndërsa kjo ka qenë një ëndërr e tij prej vitesh .
“Nëse ke skenar të mirë dhe aplikon në Hollivud , do të financohesh . Nuk po e bëj këtë për vete por për të gjithë shqiptarët” tregon DioGuardi .

Kur ke vëllezër të mëdhenj si Kongresmeni Arbëresh Joseph DioGuardi , atëherë ne si popull shqiptar ndihemi të lirë sepse më në fund shohim se si njerëzit me ndikim bëjnë ç’mos për Shqipërinë dhe shqiptarët .

Zoti i bekoftë shqiptarët
Zoti e bekoftë DioGuardin