Malli për të parë Shqipërinë e Bashkuar

Malli për të parë Shqipërinë e Bashkuar

692
0
SHPËRNDAJE
Jeta për Atdheun (shkrimi #8)
Eh moj Shqipëri etnike , mbetëm udhëve të ndarë duke pritur se një ditë , do të jemi të bashkuar dhe nuk do të shkelen shqiptarët në trojet etnike , siç po shkelen shqiptarët në ditët e sotme në trojet e tyre . Të shkelet populli në tokën e vet është përnjëmend një tmerr i madh .
Dhe sigurisht , politikanët tanë nuk e kanë parasysh , që populli civil është duke u shkelur në trojet e tyre dhe për këtë ata nuk po bëjnë asgjë , që të parandalojnë këtë padrejtësi , që po ndodh në këtë shekull tek shqiptarët . Për këtë rast populli thotë “Më mirë , apet me i’a nisë luftës” .
Malli im për të parë Shqipërinë e Bashkuar , sa vjen dhe po shtohet dita-ditës , por çfarë të bën populli , që t’a heq këtë mall , që kanë për të parë Shqipërinë e Bashkuar nga Nishi e deri në Prevezë ? As ata e as unë , nuk po mundemi që , t’a shuajmë mallin për bashkimin historik Kombëtar . Patriotët e vërtet , që punojnë për projektin e Shqipërisë së Bashkuar , e ndjejnë këtë mall , që kanë ata për t’a parë Shqipërinë etnike .
Mund t’a bëjmë bashkimin kombëtar me këtë elitë politike që kemi ?
Përgjigja më e mirë është që , jo Asnjëherë . Vetëm nëse ka politikanë ose një parti politike , që vepron në të mirë të kombit . Po si të bëhet Shqipëria etnike , me këtë elitë politike ?
Ahh hartë e vjetër e Shqipërisë , të bënë copa-copa këta fuqitë e mëdha dhe Evropa lavire , që një herë të vetme nuk i’a kemi parë një të mirë që , e kanë bërë për ne . I imponojnë Dardanisë (Kosovës) simbole pa-lidhje , vetëm e vetëm që të mos bashkohet me tokën amë , me trungun e mëmës Shqypni .
Shqiptari nuk e njeh këtë traditë , që të imponohen disa simbole , që janë në dëm të tokave shqiptare . Kjo është një padrejtësi e madhe .
Shqipëri , Evropa të mori një pjesë të Shqipërisë Veriore dhe Veri-perëndimore në vitin 1878 në Kongresin e Berlinit dhe Konferenca e “Paqes” në Londër më 1913 , dha padrejtësinë më të madhe duke shkëputur tërë Shqipërinë veriore (Kosovën) , Shqipërinë Lindore dhe më poshtë edhe Shqipërinë Jugore nga trungu u nënës Shqypni , duke i’a dhënë Serbisë , Malit të Zi dhe Greqisë tokat tona , të derdhura me gjakë shqiptari .
Vetëm këtë të “mirë” e bëri Evropa plakë për ne shqiptarët . U bë përçarja e shqiptarëve veri-jug , u kultivua me të madhe kodi më primitiv i shqiptarëve : Vëlla-vrasja dhe u bënë dallime të mëdha ndërmjet trojeve të andej e këndej kufirit .
Dhe për më tepër , ky është kulmi i gjithçkaje për shqiptarët etnik :
Në shkollën “Elena Gjika” në komunën e Prishtinës , hiqen portretet e heroit Gjergj Kastriotit dhe vendosen ora me simbolin e organizatës anti-shqiptare dhe kriminale TIKA . Me të vërtet , ky është kulmi për gjithë shqiptarët . Tani po e dijmë se cilat na qenkan pasojat e ndarjes së tokave shqiptare .
Zot , nëse nuk e bëjmë Shqipërinë përsëri të bashkuar (ashtu si ishte) , të lutem na mbështet të paktën ti , që të ruajmë këtë copë tokë , që na ka ngelur dhe mos lejo , që të vijnë të ligjët dhe të bëjnë pazare siç dijnë të bëjnë me tokat shqiptare . Kemi lindur në këtë tokë , jemi rritur dhe do të vdesim me faqe të bardhë , për bashkimin e trojeve të bekuara shqiptare .

Brilant GASHI /ikvi.at/