Atë që s’e bëri Shpend Ahmeti për 4 vjet, e bëri studenti...

Atë që s’e bëri Shpend Ahmeti për 4 vjet, e bëri studenti i UP-së për 10 ditë

1284
0
SHPËRNDAJE

Profesori i teknologjisë informative në Universitetin e Prishtinës, Blerim Rexha njofton se një nga studentët e tij ka zhvilluar një aplikacion për itinerarin e trafikut urban në Prishtinë.

Postimi i plotë i Rexhës në Facebook:

Trafiku urban – Prishtina Bus Stops App

Sot pata kënaqësinë të testoj aplikacionin e zhvilluar në kuadër të temës së diplomës me titull “Zhvillimi i një aplikacioni në Android për itinerarin e trafikut urban të Prishtinës” nga studenti Agon Fetiu.

Aplikacioni paraqet të gjitha linjat e trafikut urban të Prishtinës, stacionet si dhe itinerarin e tyre. Duke përdorur lokacionin tuaj, aplikacioni ju tregon edhe stacionin me afërt të trafikut urban dhe linjat që ndalen në atë stacion. Aplikacioni tregon edhe orarin e nisjeve dhe çmimin e biletës. Aplikacioni “Prishtina Bus Stops” thjesht zëvendëson tabelën njoftuese që duhej të ishte në çdo stacion.

Aplikacioni është zhvilluar në platformën Android, dhe e tërë baza e shënimeve instalohet lokalisht dhe nuk nevojë për qasje në Internet. Aplikacioni tani është në Google Play Store dhe mund ta shkarkoni falas nga ky link: https://play.google.com/store/apps/details…

Tani e sa vite menaxhmenti i Ndërmarrjes Publike Komunale “Trafiku Urban” dhe Kryetari Prishtinës e kanë proklamuar një shërbim të tillë për qytetarët e Prishtinës, ndërsa Agonit iu deshën vetëm 10 ditë pune intensive për ta realizuar. Unë e përgëzoj Agonin për përkushtimin dhe kreativitetin e shkëlqyeshëm që ka treguar gjatë zhvillimit të aplikacionit. Të lumtë Agon!

autobuset e rinj

22140856_10213966228777454_6220397293719983487_n