ISMAIL QEMALI PËR NEW-YORK WORLD (1913) : “NËSE THEODORE ROOSEVELT KANDIDON PËR...

ISMAIL QEMALI PËR NEW-YORK WORLD (1913) : “NËSE THEODORE ROOSEVELT KANDIDON PËR FRONIN E SHQIPËRISË, FITON !” REAGIMI I ISH-PRESIDENTIT AMERIKAN.

839
0
SHPËRNDAJE

Nga Aurenc Bebja*, Francë –  2 Dhjetor 2017

Deklarata i Ismail Qemalit, mbi sugjerimin e kandidaturës së Theodore Roosevelt për tu bërë mbret i Shqipërisë, ka bërë jehonë në New-York, ku gazetarët vendas janë vërsulur asokohe menjëherë ne drejtim të ish-presidentit amerikan me qëllim që të njohin reagimin e tij lidhur me këtë çështje.

Ja si e përshkruajnë gazetat franceze, “L’Intransigeant” dhe “L’Aurore”, këtë ngjarje, të sjellë në shqip nga Aurenc Bebja – Blogu “Dars (Klos), Mat – Albania” :

L’Intransigeant, Ballinë, E martë, 13 maj 1913 : “Roosevelt, mbret i Shqipërisë !”

Burimi : gallica.bnf.fr / Bibliothèque nationale de France

New-York, 12 maj. – Qemal Beu, delegati shqiptar në konferencën e Londrës, është intervistuar nga një përfaqësues i New-York World, të cilit i ka thënë se nëse ish-Presidenti i Shteteve të Bashkuara, Theodore Roosevelt, kandidon për fronin e Shqipërisë, ai beson se shqiptarët do ta zgjedhin atë si më të preferuarin nga çdo kandidat tjetër.

 

L’Aurore, Faqe n°3, E mërkurë, 14 maj 1913 : Z. Roosevelt, mbret i Shqipërisë !”

 

Burimi : gallica.bnf.fr / Bibliothèque nationale de France

New-York, 13 maj. – Z. Roosvelt ndiqet nga gazetarët që kur New-York World publikoi një intervistë të Qemal Beut, kreut të qeverisë së përkohshme shqiptare, aktualisht në Londër, i cili thuhet se tha se nëse ish-presidenti i SHBA-së do të ishte kandidat për fronin e Shqipërisë, ai do të kishte shanse për sukses.

  1. Roosevelt, i cili konsideron këtë botim qesharak, shmang çdo deklaratë, qoftë edhe humoristike.

(Nga Aurenc Bebja, Francë)  (Blogu © Dars (Klos), Mat – Albania),:https://www.darsiani.com/la-gazette/ismail-qemali-per-new-york-world-1913-nese-theodore-roosevelt-kandidon-per-fronin-e-shqiperise-fiton-reagimi-i-ish-presidentit-amerikan/