Talenti shqiptar merr nënshtetësinë, do t’i bashkohet kombëtares kuqezi

Talenti shqiptar merr nënshtetësinë, do t’i bashkohet kombëtares kuqezi

328
0
SHPËRNDAJE

Kombëtarja shqiptare është përforcuar sot me një talent të ri. Shteti shqiptar ka bërë të mundur dhënien e shtetësisë shqiptare për futbollistin nga Kosova, Egli Kaja.

Futbollisti 20-vjeçar, i cili është në pronësi të skuadrës angleze Wimbledon, do të pajiset me pasaportë shqiptare dhe pritet të jetë i gatshëm për ndeshjen e Kombëtares U-21 ndaj Sllovakisë, e vlefshme për eliminatoret e Evropianit U-21.

Kaja luan në pozicionin e mesfushorit ofensiv dhe është thirrur më parë nga trajneri Alban Bushi në një grumbullim të zhvilluar në maj të vitit të kaluar në Shqipëri.

Siç duket Kaja ka lënë përshtypje të mira te stafi kuqezi dhe për këtë arsye djaloshi i lindur në Ferizaj nisi procedurat për marrjen e shtetësisë shqiptare.

Egli Kaja ka të dhëna mjaft të mira dhe mund të jetë një lojtar me të ardhme në kombëtaren shqiptare.